Nagaland-a taxi driver-te fimkhur turin chah
Nagaland health and family welfare department chuan kar hnih liam ta chhung khan Kohima-a taxi driver zingah Covid-19 kai hmuh chhuah 17 an awm avangin taxi driver-te chu fimkhur turin a chah.
Health department chuan sorkarin kaihhruaina a siamte zawm ṭha tura chahin, taxi driver-te chu taxi stand-ah pawh awm khawm lo turin a ngen a ni.
November thla chhung khan Nagaland-ah hian coronavirus vanga thi mi 23 an awm a, an zinga 67% chu kum 60 hnuai lam niin, thi zinga 20% chu natna dang nei lo an ni bawk. Hri kai hmuh chhuah tawh hi mi 11,340 awm tawhin, kum 21-40 inkar zingah hri kai an pung chak hle niin a tarlang.
Nagaland-a hri kai hmuh zinga 10,649 chu enkawl dam ni tawhin, mi 58 in an thihpui tawh a ni.