Tripura: Dan phal loha luhru mi 5 m an

Tripura police-te chuan Nilaini khan Bangladesh mi, naupang pali leh India khua leh tui nihna nei, Khokon Debnath te chu dan phal loha India ramchhunga an luh avangin an man.

Police thuchhuah chuan Debnath, Odisha-a cheng hian naupang kum tling lo, kum 17 mi vek, document leh passport mumal nei lo te chu hralh turin India ramah a rawn luhpui a ni, an ti. An vai hian identification paper an nei loa, dan phal loha an rawn lut hian ngaihtuahna a ti thui hle a ni, an ti bawk. Naupangte kut aṭang hian mobile phone panga, Bangladeshi taka 7,186 leh India pawisa Rs 40,120 an hmuchhuak a, an vai hian thubuai siamsak vek an ni.

Police-te chuan Debnath thil tum hrechiang turin hma an lak mek thu an sawi a, chipchiar zawka chhuizuina neiin thuchiang an hriat vat theih an in beisei thu an sawi. An chhuizuina hian India-Bangladesh ramria mihring zawrhna hluar zel chhuina kawngah kawng tam taka a puih theih an rin thu an sawi a, ramriah pawh khauh zawka vemhimna kalpui a ngaih thu an sawi bawk.