Assam: Dibrugarh district-ah in 10 kang ral

Assam-a Diburgarh distrcit-a Amolapatty area-a Nilaini tlai khan kangmei a chhuak a, chenna in 10 a kang ral.

Kangmei chhuahna hmunahhian kang ṭhelhtu pawl chu rang takin an kal nghal a, darkar eng emaw zat hnuah an ṭhelh mit thei ta hram a ni. Kangmei chhuah chhan hi hriat a la ni loa, chhui chian mek a ni.

Tualchhung mite chuan in pakhat aṭanga meikhu lo chhuak an hmuhin fire station hnai berah an thlen nghal. LPG cylinder a puah nasat avangin kangmei hi a darh chak hle a, helai hmuna in 10 chu hmuh tlak awm loin a kangral vek a ni. Thi leh hliam erawh an awm lo.

In kangah hian document pawimawh tak tak leh pawisa nuai chuang a kangral nia sawi a ni.