Assam: Dalits ho khawih thianglo anga cheibawlah Congress puh

Assam chief minister Himanta Biswa Sarma chuan hnam hnuaihnung, Dalits chu khawih thiang lo anga cheibawlah Congress chu puhin na takin a bei.

Chief Minister Sarma chuan Priyanka Gandhi Vadra-i'n Wayanad Lok Sabha constituency by-election neih tura nomination a thehlut laia pawn lamah AICC president Mallikarjun Kharge-a'n a lo nghak lai video a hmuh aṭangin he thu hi a sawichhuak a ni.

Sarma chuan Rahul Gandhi chu Dalits ho zah anga a insawi lai hian Kharge chunga an thil tih hian a mizia dik tak a pholang a ni, a ti.

Nilaini khan Priyanka hian Wayanad-a Lok Sabha by-election neih tur atan nomination a thehlut a, he hunah hian party hruaitu eng emaw zatin an ṭawiawm a ni.