Tripura: GRP-in Bangladesh mi 3 man

Government Railway Police (GRP) chuan Tripura khawpui, Agartala rel station-ah West Bengal pan tura relah Bangladesh mi pathum an man a,an zinga pahnih hi hmeichhia an ni. October 22 ah khan Bangladesh aṭanga lut ru mi panga chu rel station-ah hian man an lo ni tawh a; India khua leh tui nihna nei pahnih, India rama an luh ruk theihna tura Bangladesh mi puitute an man tawh bawk.

GRP official-te chuan an mi man te hian Bangladesh mi dang pawh India a luh tum an awm thu sawiin hmundangah an biruk mek thu te an sawi niin an tarlang. Heng mite zawn hna hi an thawk nghal a ni.

Thla thum leh a chanve vel liamta aṭang khan Bangladesh mi 420 leh Rohingya mi 55 te chu GRP, BSF leh Tripura Police te hian Agartala rel station ah hian an man tawh a, hmun hran hran ah man an nei nual tawh bawk. Bangladesh mi an man tam zawk hi Muslim an ni a, Hindu pawh an bawk.

BSF thupuangtu chuan Bangladesh tualchhung buaina a chhuah hnuah BSF te chuan India leh Bangladesh inrina, km 856 ah te venhim hna khauh zawka an kalpui thu a sawi. Bangladesh mi leh Rohingya te hi India ramah hna thawh tur zawnga an lo luh ṭhin thu official-te chuan an sawi a ni.