Manipur: Housing Complex tharah insawn lut

Manipur sorkar chuan tualchhung buaina vanga mahni in leh lo chhuahsana chenna tur mumal nei lo, chhungkaw 120 te chu Imphal hmarlama Langol-a housing complex tharah a insawn luh tir ta.

Chief minister N Biren Singh chuan he hmunah hian Moreh, Churachandpur leh Phoubakchao-a an in leh lo chhuahsan, chhungkua 120-a mi 460 te an luh thu X ah a post.

Singh chuan he housing complex hi National Games Village, Langol a awm niin, tualchhung buaina avanga harsatna tawkte chu sorkarin an nunkhaw nawmna tur leh ngai an awh leh theih nan hma a laksak zel dawn a ni, a ti.

Myanmar aṭanga hnaite, Moreh khua leh Manipur chhim lama hill district Churachandpur hi Kuki hnam tamna an ni a, kum 2023 May thla aṭanga tualchhung buaina thleng tuar nasa zingah an tel.

Dengue vangin mi 5 thi, case 1,828 hmuh belh

Manipur chuan Ningani thleng khan dengue hri vanga nunna chan mi 5 awmin, mi 1,828 vei mek an awm thu a tarlang. Ningani bikah khan hri vei thar hmuh chhuah hi 45 an awm.

Kum 2021 khan Manipur ah hian dengue natna vei mi 203 chiah an awm. Tu thlengin Jiribam, Pherzawl leh Tengnoupal ah erawh vei an la awmlo thung a ni.

Dengue hri natna do tur hian state health department chuan State Task Force a din a, health secretary chu chairam atan a ruat bawk. Task force he hri darh zel tur venna kawngah state sorkar puiin hma a la dawna ni.