Sikkim: Bhutan leh Nepal nen sakei humhalh chungchang sawi ho

Bhutan-a Thimpu khawpuia India, Bhutan leh Nepal-a hmun sang lama awm sakei humhalh chungchang sawi hona, ni hnih awh neihah Sikkim aṭangin Forest and Environment Department team an tel.

Sikkim team hi PCCF-cum-Secretary, Dr Pradeep Kumar-a'n a ho a, member panga an awm. October 23-24 khan transboundary coordination meeting hi neiin, sakei humhalh dan chungchang an sawi ho a ni. An meeting ah hian Himalaya huamchhunga sakei awmte humhalh a pawimawh zia te, India, Bhutan leh Nepal te an vaia an ṭan tlan a ṭul thute an sawi.

Meeting-ah hian Sikkim leh Bhutan inkara sakei chetla lai en theih tura camera an dah hmanga thla lakte chu en letin, sakei te hian nasa lehzuala humhalh an mamawh thu an tarlang. Dr Rajesh Gopal, Global Tiger Forum-a secretary general chuan sakeite hian ramri te hi an paltlang fo avangin, ram pathumten a humhalna kawngah an hmalaknaah an thawh ho a pawimawhzia te a sawi a ni.

Sikkim hian an hmalakna dang, "Mero Rukh Mero Santati" chu sawichhuakin an "Green State of India" tia vuah an nih chungchangte pawh an sawi ho nghal bawk. An team hian Bhutan-a Jigme Khesar Strict Nature Reserve pawh an tlawh nghal a ni.