Assam: ADB-in loan Rs vbc 3,600 pek remti

Assam-ah renewable energy leh energy security tihhmasawn nan leh tihchangtlun nan Asian Development Bank (ADB) chuan loan USD mtd 434.25 (RS vbc 3,600) pek a remti. He fund hmang hian state in energy a mamawhna sang zel leh, fossil fuel in tlem lam a pan zel avanga harsatna a neihte sutkian dan ngaihtuah a ni dawn a ni.

State sorkarin kum 2030-a solar capacity megawatt 3,000 neih hmachhawp a siam atana hma lakna turin, Assam Solar Project hnuaiah Karbi Anglong district-ah 500 MW grid-connected solar photovoltaic (PV) facility siam a ni ang.

Hei bakah private sector investment hip luh tumin, ADB chuan Assam-a public-private partnership (PPP) framework chu thuam chak a tum bawk a, 250 MW solar PV facility siam a tum a ni. ADB hian Clean Energy Fund aṭangin project kalpuina atan hian technical lama puihna turin USD mtd 1 a pe dawn bawk.