Meghalaya: BSF-in ointment cream Rs nuai 12 hu an man

4th Battalion Border Security Force, Meghalaya chuan East Khasi Hills district-a international border-ah nimin, October 25 khan ointment cream Rs nuai 12 hu an man.

BSF sipaite hian pick-up a cosmetic bungrua, document felfai engmah nei lo an phurhna chu East Khasi Hills district-ah hian an man a ni. He thil thleng hian ramria venhimna kalpui mek chu khauh lehzuala kalpui a ngai tih a tilang a ni.

Tunhnai khan BSF te hian Meghalaya ramriah dan phal loha bungrua tawlhruk kawngah nasa lehzuala venhim hna thawkin, West Garo Hills ramriah thuamhnaw tawlhruk tum,Rs nuai 12 chuang man an lo man tawh a, East Khasi Hills district bulhnaia chini tawlhruk tum, Bangladesh mi pawh an lo man tawh bawk.