Congress awm lohna state-ah BJP-in Meghalaya siam tum

Bharatiya Janata Party (BJP) chuan Meghalaya chu Congress awm lohnaa siam tumin ‘Congress free Meghalaya’ campaign kalpui a tum.

Meghalaya BJP chuan Pathian­nia thuchhuah an siamah he thu hi tarlangin tun hnaia member lak runpui an neihah an target, member 40,000 sing li an tlin thu an tarlang.

"Online kaltlanga member-a inpete hnen kan thlen theih nan mass contact programme leh membership drive hi neih leh thuai kan tum a, tun hnaia national president Amit Shah-a'n Meghalaya a tlawh chuan kan party worker te nasa takin phur tharna a pe a ni," tiin state BJP thu­chhuak chuan a tarlang.

Meghalaya-a BJP a len chhoh zel avang leh Prime Minister Narendra Modi-a'n hmarchhak bial hmasawnna a ngaihpawimawhna avangin Meghalaya-a rorel lai Congress party chu a ngaih a ṭha thei tawh lo a ni, a ti.

"State mipuite chuan Modi-a sorkar hna thawh ṭhat an hmu a, eiruk donaa Modi-a tumruhna chu an fak a ni. Union Minister te'n hmarchhak state an tlawh ṭhin chu Congress party-in a mangan pui tawh a, an thiltih dik lohte hailan mek zel a ni," tiin BJP thuchhuak chuan a tarlang bawk.