Hmarchhak bialah vawi 36 lir nghing

Indian Meteorological Department chuan kum 2015, thla li chhungin hmarchhak bial chu lirnghing na lutuk loin vawi 36 a sâwi tawh tih a tarlang.

Lirnghing thleng tawh zinga vawi 15 chu Manipur-ah epicentre awmin vawi 11 Assam-ah epicentre a awm tawh bawk. Lirnghing te hi magnitude 2.8 aṭangin 5 thleng a ni tlangpui. February 12-a Manipur-a lir nghing, magnitude 5 chu a na ber a ni a, leihnuai kilometre 90-a thuka inṭan a ni avangin a nghing na lo a ni.

Nepal lirnghing hnuah hmarchhak bialah vawi nga a thleng leh tawh a, April 30-a Assam, Jorhat-a inṭan, magnitude 4.8 chu a na ber a ni.