Nagaland : Mass social service neih a ni

Nagaland-a Hornbill Festival lo awm tur pualin state sorkar kaihhruainain Zirtawpni khan Nagaland hmun hrang hrangah hnatlang neih a ni.

Dimapur khawpuiah khawpui tihfai runpui neiin, vantlang hmunte pawh an thuam ṭha a ni. District administration, sorkar hnathawk, Dimapur Municipal Council, East Dimapur Town Council, Dimapur Urban Counsil Chairmen Federation, colony leh ward chairmen, village council leader, school leh college zirlaite, NGO hrang hrang leh civil society organisation ten he hmalakna ah hian an tha an thawh a ni.

Dimapur deputy commissioner Tinojongshi Chang chuan khaw nuam lo tak hnuaia khawlai tihfai te, puipunna hmun tihfai hna thawka tha thawh zawng zawngte chu lawmthu a hrilh.

Chumukedima-ah district administration leh sorkar department hrang hrang bakah social organisation te leh tualchhung mipuiten National Highway 29 tihfai hna an thawk a, vantlang hmun tihfai te, thing phun leh faina kawng a hmasawn a nih theihnan awarerness an nei nghal.

Hnatlang runpui hi Medziphema, Pfutsero, Kiphire, Phek, Shamator, Niuland, Jakhama, Tizit,Chozuba, Chessore, Tening, Peren, Tuensang, Longkhim, Bhandari, Mon leh Zunheboto ah nei bawk a ni.