Army hotuin Assam a tlawh

Upper Assam-a ram venhimna kalpui dan enpui turin Chief of the Army Staff, General Dalbir Singh Suhag chuan tun hnai khan Assam, Dibrugarh district, Dinjan-a DAO Division a tlawh a, Eastern Command GOC-in-C Lt Gen MMS Rai leh GOC 3 Corps Lt Gen Bipin Rawat te'n an ṭawiawm.

Army hotu hi Upper Assam-a helte laka beihpui thlak mek chungchang leh ram venhimna atan army inbuatsaih dan bakah defence infrastructure din mek chungchangte an lo hrilh a ni.

General Suhag chuan DAO Division te hmalakna chu fakawm a tih thu sawiin, boruak muanawm a awm theihna atana army te hmalakna chu a fak bawk.