Sikkim: Gangtok-ah Sikkim Soldierathon buatsaih

Indian Army-a Eastern Command leh Trishakti Corps chuan Pathianni khan Sikkim khawpui, Gangtok-ah Sikkim Soldierathon chu an buatsaih.

He marathon hi 'Run with our Soldiers' tih hming an vuah a, Indian Army leh India mite,a bik takin ṭhalaite inkungkaihna leh inzawmna ṭha a awm theih na atan ‘Fitistan: Ek Fit Bharat’ thawhpuia buatsaih a ni.

He soldierathon hi category thum ṭhen niin km 5, km 10 leh km 21 tlan ngai a ni a, state 12-a khawpui 29 aṭangin mi 1,500 chuang an tel. Pakhatna tan hian lawmman ṭha tak siamsak anni a, a tel zawng zawng leh a tawp thlenga tlan thlengte hi finisher's medal an hlan bawk.

Eastern Command-a General Officer Commanding-in-Chief (GOC-in-C) Lieutenant General Ram Chander Tiwari chuan marathon-a tlan zawng zawngte chu ramria sipai venhimna thawk mek te huaisenna leh inpekna zahna lantirna a ni a, tiin 'Fit India' chawilarna tur leh, Army leh civil mite inkara inzawmna nghet tak siamna tura hmalakna thara a tel ve thei chu a lawm thu a sawi.

33 Corps Lieutenant General Zubin A Minwalla pawhin soldierathon hi hun danglam ani a, sipai huaisen tak tak ramria venhimna thawk tute zinga tlan theihna hun hlu tak a ni, a ti.