Manipur leh Nagaland ah Infantry Day hmang

Indian Army chuan Pathianni khan Manipur leh Nagaland-ah sipai huaisen chawimawina hun, Infantry Day an hmang. Manipur ah chuan Leimakhong Military Station-ah hun hmangin, Nagaland-ah Zakhama Military Station-ah an hun an hmang.

Infantry day, Shaurya Diwas tih bawk hi kumtin October 27 ah hman ṭhin a ni a, October 27, 1947 a Indian Army ten Jammu and Kashmir tribal firfiak leh Pakistan sipai te bei tura Srinagar Airfield-a an ṭum luh hriatrengna a ni. Kum 1947 a indona hi India-in zalenna a hmuh hnuah India sipaite hlawhtlinna hmasa ber a ni.

Leimakhong leh Zakhama station-ah hian Indian Army Infantry Corps-a India sipai huaisen, ram tana nunna chante tan pangpar dahin, hriatrengna leh chawimawina hun an hmang. Hei bakah hian sipai chetla lai, ram chhan tura an beihna documentary pawh an chhuah bawk.