Arunachal: Assam Rifles ten NSCN (K-YA) mi kaphlum

Arunachal Pradesh-a Longding district-ah Zirtawpni liam ta khan Assam Rifles sipaiten helpawl, National Socialist Council of Nagaland-Khaplang, NSCN(K-YA) mi leh sa pakhat an kap hlum.

AR sipaite hian hel an awm thu an dawn bawhzuiin, Longding district-a Changkhao area-a hel zawn hna hi an thawk niin Defence PRO leh Manipur, Nagaland leh Southern Arunachal Pradesh tana thupuangtu, Lt Col Amit Shukla chuan Inrinni khan a sawi.

Sipai patrol an hmuh hian helpawl chuan silaia an rawn kah thu sawiin, Assam Rifle tehian lo chhawn ve nghalin NSCN (K-YA) mi leh sa pakhat an kap hlum tih a sawi a ni. Lt Col Shukla chuan an inkahna hmunah hian pistol leh ralthuamte hmuh a nih thu a sawi bawk.