Assam: 'Run for Unity' marathon neih a ni

Union minister Sarbananda Sonowal chuan Thawhlehni, October 28, 2024 khan Assam khawpui, Guwahati-ah India Home Minister hmasa ber, Sardar Vallabhbhai Patel zahna lantirna, 'National Unity Day'-a 'Run for Unity' marathon buatsaih chu a vai liam.

Sonowal chuan Assam mipuite hnenah lawmthu sawiin, an thawhhona avanga Port and Shipping ministry in "Run for Unity" hi buatsaih thei an nih thu a sawi a ni.

Ramchhung hmun hrang hrangah 'National Unity Day' pual hian hun hman a ni a, Karnataka-ah BJP chief BY Vijayendra chuan hmanpuiin, ṭhangtharte chu ram tana Patel inpekna hre reng turin a chah.

Delhi-ah chuan union home minister Amit Shah-a'n Unity Run neihnaah thu sawiin, he hun hi India mite inpumkhatna lantirna a nih piah lamah 'Viksit Bharat' (Developed India) hmathlirna a nih bawk thu a sawi. Shah chuan prime minister Narendra Modi-a'n Sardar Patel hriatrengna atana Unity Run buatsaih hi a rel a ni tih a sawi bawk.

'Run for Unity' hi kumtin ram pumpuiah neih ani ṭhin a,, 'Rashtriya Ekta Diwas' (National Unity Day) ah Sardar Vallabhbhai Patel hriatrengna leh ram inpumkhatna lantirna atan neih a ni ṭhin.