Manipur: Tamenglong district-ah project 8 thawk zo tawh

Manipur chief minister N Biren Singh chuan Tamenglong district-a hmasawnna hna thawhna, project lian pariat chu zawh fel a ni tawh a, project dang pali chu thawh mek a ni tih Thawhṭanni khan a sawi.

Tamenglong district-ah hian infrastructure tih hmasawn leh tih changtlungna tur project 12 siam a ni. Heng project-te hian sector hrang hrang -transportation, healthcare leh zirna te an huam tel a ni.

Project zawh fel tawh zingah hian 133/32 kV Sub-Station leh district court building sak pawh a tel a, hei hian power supply leh judicial service tih hmasawnna kawnga a puih hle beisei a ni. Hei bakah hian District Hospital-ah damlo khum 50 dah belh a ni bawk.

Khongsang-Tamenglong section-a NH-137 siam chu zawh fel a ni tawh bawk a, Tamenglong-Mahur leh Imphal-Kangchup-Tamenglong kawng pawh siam mek an ni. Thlai thar dahkhawl leh dahṭhatna tur hmun, FCI godown leh cold storage facility pawh siam zawh niin, infiamna lamah natural football ground chu zawhfel a ni tawh bawk a, hetih mek lai hian 7-A-Side synthetic football turf pawh hawn hmabak a ni.