Police nunrawngte lakah GSU-in action lak a phùt

Garo Students’ Union (GSU) chuan Garo Hills-a police nunrawng taka chete laka action la turin Chief Minister Mukul Sangma an ngen.

GSU chuan Chief Minister hnena lehkha an thawnah, "Garo Hills-a Meghalaya Police nunrawng taka che

ṭhinte chungchang min lo hriatpui kan duh a, police te chet dan chuan mipuite leh police inkarah boruak ṭha lo siamin, boruak muanawm lo a thlen phah a ni," a ti.

"Police te chu mipuite venghim tura thutiam la an ni a, chu mi atana theihtawp chhuaha beitu, police te chhuanawm zia pawh kan hria mahse police ṭhenkhat chuan dan an lekkawh kawngah rawng takin an che ṭhin a, he thilah hian i inrawlh a ngai ta a ni," tiin GSU lehkhathawn chuan a tarlang bawk.

Garo zirlai pawlte chuan police te chungchang chu ngaihtuah a nih loh chuan Garo Hills huam chhunga nawrh huaihawt an tum thu an tarlang tel bawk.