Sorkar laipuiin medical college din nan fund pek a tiam

Nagaland Health and Family Welfare Minister P. Longon chuan medical college din nan sorkar laipuiin fund pek a tiam tih a sawi.

Longon chuan Union Minister of Health and Family Jagat Prakash Nadda chu tun hnai khan New Delhi-ah a hmu a, Nagaland-a medical college din a ṭul thu a thlen a ni.

Nagaland Health Minister chuan medical college chu hun rei tak kalta aṭanga Naga mipuite'n an lo beisei tawh a ni a, hemi tihpuitlin nan state sorkar chu sum lama a harsat thu leh a tipuitling theitu chu sorkar laipui a nih thu Union Minister Nadda a hrilh.

Longon chuan Nagaland-a medical college hawn tur chu Shillong-a NEIGRIHMS tlukpuia siam a duh thu Union Minister a hrilh bawk.

Union Minister Nadda chuan an thil thlen chu a lo ngaihpawimawhsak thu leh medical college din nan a rang lama fund an lo rua­hmansak tur thu a hrilh tiin Longon chuan a sawi a, Union Health Minister chuan kumin chhung ngeia Nagaland tlawh a tum thu a sawi bawk.