Sa pel ru ṭhin mi 11 kaphlum tawh
Union Environment Minister Prakash Javadekar chuan Lok Sabha inkhawma zawhna a chhannaah kumin chhungin Assam, Kaziranga Tiger reserve-a sa pel ru ṭhin mi 11 kahhlum an nih tawh thu leh mi 20 man an nih tawh thu a sawi.
Union Minister Javadekar chuan kum 2014-ah mi 22 chu forest guard te nen an inkahnaah an thih thu leh mi 47 man an nih thu a tarlang bawk.
Kuminah April 30 thleng khan Assam-ah samak pakua kahhlum tawh a ni a, kum 2014 khan samak 27 kahhlum a ni.
Kaziranga National Park chu Tiger reserve-a puan a nih tawh thu sawiin, Javadekar chuan hemi avang hian sorkar laipui chuan nungchate humhalh nan ṭanpuina a pek ṭhin thu a sawi bawk a, samak kahhlum thubuai pasarih chu chhui zui atan Assam sorkarin Central Bureau of Investigation (CBI) kutah a hlan tawh bawk.