Sikkim: By-election neih tura candidate pahnih inhnukdawk

Sikkim Assembly by-election neih tura eptu pawl, Sikkim Democratic Front (SDF) candidate pahnihte an inhnukdawk a, rorellai Sikkim Krantikari Morcha (SKM) candidate pahnihte chu chuhtu awm loin an tling. Sikkim Assembly chu eptu awm lohna a ni chhunzawm leh dawn a ni.

SDF candidate pakhat zawk chuan party aṭanga thlawpna a hmuh ṭhat loh avangin a inhnukdawk niin a sawi a, pakhat dang erawh chuan a inhnuhdawh chhan a sawilang lo thung.

Kumin kumtira Assembly inthlan neihah khan chief minister Prem Singh Tamang (Golay) kaihhruai SKM hian Assembly-a seat awm zat, seat 32 aṭangin seat 31-ah hnehna an chang a ni. Seat khat chu SDF in a la a, mahse SDF MLA awmchhun Tenzing Norbu Lamtha pawh hian July khan ruling party hi a zawm ve leh nghal a ni.

By-election neihna tura tih, Soreng-Chakung bialah hian SKM hmingin CM fapa, Aditya Golay leh Namchi-Singhithang bialah Satish Chandra Rai te an ding a ni. Vote thlak ngai loin, chuhtu awm loin an tling ta a ni.