Assam Chief Minister-in Ganeshguri flyover hawng

Assam chief minister Sarba­nanda Sonowal chuan Nilaini khan Guwahati-a Ganeshguri flyover a hawng. 

He flyover hi khawpui chhunga traffic junction lun ber zinga mi, Ganeshpuri joint-a traffic tihziaawmna tura siam a ni a, siam hun tura hun duanah peihfel hman a ni. 

CM chuan a kaihhruai sor­karin state hmasawnna tur leh transportation system tihchangtlunna turin theihtawp a chhuah reng tih a sawi. 

Finance leh PWD minister Himanta Biswa Sarma pawhin thu sawiin, kum li leh a  chanve chhunga BJP sorkarin state hmasawnna tura hna a thawh hrang hrangte a sawi lang. Minister chuan Assam-ah flyover thar 16 siam hna thawk mek a ni, ati. 

Ganeshguri flyover hi meter 425.50-a thui niin, (State-Owned Priority Development) fund 2019-20 aṭangin siam a ni a, a siamna atan hian cheng vaibelchhe 58.78 sen a ni. Kum 2019 March 6 khan a siamna tur lungphum hi phum a lo ni tawh a ni. 

Nilaini vel khan CM Sonowal chuan Dadidubi, Golghat-ah Asasm Agar Inter­national Trade Centre siamna tur lungphum a phum. He project hi argarwood lama investment siamna tura duan a ni a, Assam eco­nomy in ṭhatpui hle rin a ni bawk. 

CM chuan agar production leh trade lamah bung thar an kai dawn tih sawiin, he centre hi peihfel a nih hnuah sorkar laipui chuan agarwood investment tihna tur a rawn siamsak dawn tih a sawi.