Tripura sorkarin hna thar 4,500 a siam

Tripura sorkar chuan Home leh Manpower & Employment department hnuaiah hna thar 4,500 siam a nih thu a puang a, heng hna lak tur atan hian zirtirtu ban tak 10,323 te chu ngaihnathiamna pek an ni ang. 

Education minister Ratan Lal Nath chuan home department hnuaiah police constable post 500, manpower and employment department-ah LDC leh multi-purpose workers (MPW) post 4,000 lak a nih tur thu a sawi a ni. 

LDC leh MPW post bik atan hian zirtirtu ban takte chu kum bithliah siamah kum 2023, March 31 thleng ngaihnathiamna pek an ni ang, a ti. Nath chuan LDC post atan typing thiam lo pawh lak theih an ni dawn a, mahse thla ruk chhungin typing test erawh an pass a ngai thung dawn tih a sawi. New Employment Policy, 2018 chu candidate-te tana awlsam zawk tura siamṭhat a nih thu a sawi.