Meghalaya CM-in 'Micro ATM' sem

Meghalaya chief minister Conrad K Sangma chuan Nilaini khan Business Correspondent Agents (BCAs) te hnenah 'Micro ATM' a sem.

Micro ATM hi rural area-a banking service tihchangtlunna atan hman a ni dawn a, kuta ken mai theih niin BCA hian rural area hrang hrangah a enkawl dawn a ni. He hmalakna hi  Meghalaya State Rural Livelihood Society (MSRLS) in Meghalaya Rural Bank (MRB) leh National Bank for Agriculture and Rural Development (NABARD) thawhpuia a kalpui a ni. 

Kumin June thla khan MSRLS chuan BCA project kalpuina tur hian MRB chu inremna, memorandum of understanding (MoU) a lo ziahpui tawh a ni. BCA-ah hian self help group (SHG) 84 awmin, MRB branch  hrang hrangah 'Bank Sakhis' angin an thawk a ni. 

CM chuan rural area-a banking infrastructure leh financial service a ṭhat tawk loh avangin mipuite pawhin harsatna an tawk ṭhin tih a sawi a, banking service ti tura hmun hla tak tak kalte a ngaih avangin development leh welfare scheme tam tak tihkhawtlaite a ngai a ni, a ti. Micro ATM chuan rural area-a banking service a tihchangtlun phah dawn hle a ni tiin Sangma chuan a sawi.