Nagaland CM leh eptu hruaituin Amit Shah hmu

Nagaland chief minister Neiphiu Rio leh eptu hruaitu TR Zeliang-te chuan union  home minister Amit Shah chu Delhi-ah an hmu. 

Nagaland hruaitu pahnihte hian union minister hi a hran ve vein an hmu a, Naga politicial issue an sawipui. 

CM Rio hi Assam health and finance minister leh North East Democratic Alliance (NEDA) convenor Himanta Biswa Sarma'n a ṭawiawm. Rio hian Delhi-a awm mek, NSCN-IM general secretary Th. Muivah pawh a hmu bawk. Rio leh Sarma hian BJP national president JP Nadda chu a chenna inah an kawm bawk a ni.

Naga political issue chinfel tuma inbiakna chuan a hmawr a bawk dawn hnai tawh nia sawi a ni a, hetihlai hian NSCN-IM in inremna siamna turah Nagaland tana flag hran leh constitution hran siam a phut chungchangah an la inrem thei lo a ni. Hei bakah NSCN-IM lam hian remna kawng zawnga inbiaknaa sorkar laipui aiawh, Nagaland governor RN Ravi chu thlak an phut bawk.