Tripura: Cyber crime police station nei dawn

Tripura-ah cyber crime police station siam a ni dawn tih Director -General of Police (DGP) Amitabh Ranjan chuan Nilaini khan a sawi.

DGP chuan helpawl, National Liberation Front of Tripura (NLFT) leh All Tripura Tiger Force (ATTF) member te a ruala tam tak an inpek hnuah, an state chhungah helna a awm tawh lo tih a sawi a, cyber crime hluar chho zel buaipui a ngai a, hemi atan hian cyber crime police station chu din a ni dawn a ni, a ti.

"CM chuan state police-te chu mipui venhimna lam te, dan leh thupek dinhmun enfiahna lama insawrbing turin a duh ani. Khawpuia pawikhawihna thleng leh firfiak taka chetna thleng ṭhin hi awmze nei taka beih let a ngai a ni," tiin a sawi.

DGP chuan state sorkain Tripura State Rifle (TSR) te chu an thiamna belhna turin specialist training neih tir an ni dawn a, TSR sipaite hi NSG leh CISF te nen an training ho dawn a ni, a ti. Central scheme hmangin state police force-te chu thuam chak leh tihchangtlun tuma hma lak mek a nih thu a sawi bawk.

"Modernisation scheme hnuaiah hmanrua changkang leh tunlai ber ber te pawh lei a ni a, buaipui mek pawh a awm bawk. Cyber crime thleng ṭhin buaipui turin cyber crime police station pawh siam a ni dawn. Police-te hian cyber fraud case te chu hlawhtling takin an lo buaipui fo tawh a ni," a ti.