Assam: Sivasagar ah in 11 kangral

Assam-ah October 31, 2024 zana Diwali lawmna neihna hmunah kangmei chhuakin in 11 a kangral a, mi pakhat a kang hlum bawk.

Kangmei chhuahna hmun hi Sivasgar, Assam-a Laxmipriya Road ah a ni. Nunna chan ta, Shyam Rai hi Sadar police station ward 7 bulhnaia cheng niin damdawiin hmanhmawh taka kalpui a ni a mahse a nunna an chhan hman tal lo a ni.

Gas cylinder tam tak a puah avangin kangmei hi a darh chak hle a, thlai leh chawhmeh zuar te dawr bakah kutthemthiam ho thil zawrhte pawh a kangral hneh hle.

Assam State Fire Birgade leh ONGC Fire Brigade ten kangmei ṭhelh tur hian rang takin hma la nghal mah se thil tamtak a kan chhiat hnuah kangmei hi an ṭhelhmit thei chauh a ni. Khawtlang hruaitute chuan kangmei chhuah chhan hi chhuichiang turin hma an la nghal a, mipui chen tamna hmun a nih vangin bungrua a kangchhe tam hle tura ngaih a ni.