Sikkim minister te'n Nepal ṭanpui dawn

Nepal lirnghing tuarte ṭanpuina atan Sikkim Chief Minister Pawan Kumar Chamling, a minister te leh MLA te chuan an thla khat hlawh aṭangin 50% an thawh dawn.

Sikkim minister leh MLA te'n an thla khat hlawh chanve ṭheuh thawh an tum hnu hian state sorkar hnathawkte chuan an ni khat hlawh ṭheuh thawh an tum thu an tarlang bawk.

Chief Minister Chamling chuan April 28-a cabinet meeting an neih­ah he thutlukna hi an siam tawh thu a sawi a, sum thawh an tum bakah state sorkar chuan lirnghing tuarte ṭanpuina atan blanket, puanthuah, puan-in, silpaulin leh thuamhnaw te thawn a rel thu a sawi.

Ṭanpuina chu sorkar laipui hriat­puinaa pek an tum thu Chamling chuan a sawi bawk.