Manipur ADC inthlan neih tura BJP candidate an rubo

Manipur-a Autonomous District Council (ADC) inthlanna June 1-a neih tura BJP candidate pahnih chu hel nia rinhlelh te'n an rukbo thu BJP Manipur president Th Chaoba-a'n a sawi.

Sadar Hills ADC-a Tuzang Vichong biala BJP candidate Laminthang Kipgen chu May 3 khan rukbo a ni a, sorkar nena inkahhai thuthlung, Suspension of Operation (SoO) nei mek, Kuki Revolutionary Army (KRA) helte chu a rubotua rinhlelh an ni.

Churachandpur ADC-a BJP candidate pawh hel nia rin te'n Geljang hmun aṭangin an ru bo bawk.

Hetihlai hian Senapati ADC-a BJP candidate pakhat chu hel nia rin te'n candidate a nihna aṭanga inhnukdawk turin an vau tiin state BJP president Chaoba chuan a sawi.