ULFA (I)-in sorkar nena inbiakna neih an duh lo

Paresh Barua-a kaihhruai, United Liberation Front of Assam (ULFA-Independent) chuan sorkar nena remna zawnga inbiak­na neih an duh loh thu tarlangin, Assam tana zalenna an sual chu a hlawhtlin hma loh chuan sorkar laka hel zel an tum thu an tarlang.

ULFA (I) chuan thuchhuah an siamah sorkar nena inremna zawnga inbiakna nei tur ringawta hel an nih loh thu tarlangin, India ram aṭanga Assam zalenna atana hel an ni tih an tarlang tel bawk.

Assam Director General of Police chuan Nilaini khan helte chu a thara inbiakna neihpui an tum tawh loh thu a sawi a, sorkar be duhte chu inbiakna kalpui meka tel ve zawk turin a ngen bakah sorkarin ULFA (I) te tan kawng a khar tawh thu a sawi bawk.

ULFA chuan DGP thusawi chu naupang thukhawchang a ni, tiin sorkar nena inbiakna neih chu silai chawia an hel chhan a ni lo, an ti.