Gogoi-a'n sum harsatna thlen

Assam Chief Minister Tarun Gogoi chuan sorkar laipui aṭanga state sorkar te hnena sum pek dana harsatna awmte chu chinfelsak thuai turin Union Finance Minister Arun Jaitley a ngen.

Gogoi chuan Jaitley hnena memorandum a thehluhah Assam-in kum 2014-15 leh 2015-16 chhungin sorkar laipui aṭanga fund a hmuh ṭhat loh avangin state hmasawnna kawngah harsatna a tawh thu a tarlang.

"Planning Commi­ssion-in kum hmasa lama sum min lo ruahmansak tawh zulzuiin kum 2014-15 budget-ah plan expenditure atan cheng vaibelchhe 21,000 kan dah a, mahse sorkar laipuiin cheng vaibelchhe 18,000 chauh min ruahmansak a, hemi aṭang hian kum 2014-15 chhung khan cheng vaibelchhe 13,632.63 chauh pek kan ni," tiin Assam Chief Minister chuan a sawi.