AGP-in LBA an dodal zel

Assam tualṭo party Asom Gana Parishad (AGP) chuan kar kalta Inrinni khan Land Boundary Agreement (LBA) dodalna an lantir leh a, Prime Minister Narendra Modi leh Chief Minister Tarun Gogoi-a lim an hal.

Kar kalta Ningani khan LBA kalpuina atan Rajya Sabha chuan 119th Consti­tutional amendment bill a pass a, hei vang hian AGP chuan kar kalta Ninga­ni khan Assam-ah darkar 10 awh bandh a lo huaihawt tawh bawk. Constitutional amend­ment bill hi Lok Sabha pawhin Ningani khan a pass tawh bawk.

AGP general secretary pahnih - Ramendra Narayan Kalita leh Kamala Kalita te chuan thuchhuah an siamah BJP kaihhruai sorkar laipui chuan Assam ram Bangladesh hnena pek tumin, Assam mipuite duhdan an palzut a ni, an ti.