NSCN (K)-in Rijiju thusawi an chhanglet

Nationalist Socialist Coun­cil of Nagaland (NSCN-K) helte chuan Union Minister of State for Home Affairs Kiren Rijiju-a'n May 5-a Lok Sabha inkhawma an pawl a sawisel chu tun hnai khan an chhanglet.

"NSCN (K) helte chu Myanmar-a an hruaitute nen pawisawilote tihbuai a, pawisa khawnluih bak thil tum an nei lo a, Naga political issue nen inkungkaihna an nei lo," tiin Union Minister Rijiju chuan a lo sawi tawh a ni.

NSCN (K) chuan thuchhuah an siamah Rijiju chu mimal hamṭhatna um ching hruaitu a ni an ti a, Naga political issue-a harsatna belhchhahtu a ni, an ti.

"Rijiju thusawi hi a puitlin loh thlak bakah Naga history a hriatchian loh zia tilangtu mai a ni," tiin NSCN (K) thuchhuak chuan a tarlang bawk.