M'laya cabinet-in ordinance pass dawn

Hmanlai khawtlang inrelbawlnaa lal leh hruaitute thuneihna ngaipawimawhin Meghalaya Chief Minister Mukul Sangma chuan a cabinet-in khawtlang hruaitu (Rangbah Shnong) te thuam chakna atan ordinance a pass tur thu a sawi.

Khawtlang hruaitute'n Meghalaya hmun ṭhenkhata vantlang thil pawimawha no objection certificate (NOC) an pek chhuah ṭhin chu dan phal loh a ni tia Meghalaya High Court-in khawtlang hruaitute thuneihna a hnawlsak hnuah state sorkar chuan ordinace siam hi a rel a ni.

"Sorkarin hmasawnna programme hrang hrang a kalpui ṭhin a, khawtlang hruaitute an inhnamhnawih theih nan state legislative pawmpuina siamsak kan tum a ni," tiin Mukul chuan a sawi.

Autonomous tribal council te thuneihna tihtlemna tur a ni tia mi ṭhenkhatin an sawisel chungchangah Chief Minister Mukul chuan Rangbah Shnong te thuneihna tur chin chu dan hmanga bithliah vek a nih tur thu a sawi.

Birth/death certificate leh lehkha pawimawh dang lak dawn a, Rangbah Shnong te hnena NOC lak hmasak ngai ṭhin chu Meghalaya High Court chuan nikum December thla khan India danpui pawmpui loh a ni, tiin Rangbah Shnong te thuneihna hi a tihtawpsak a ni.