Manipur-a naupang 5,000-in AIDS natna an vei

Manipur Network of Positive People (MNP+) president L Deepak chuan Manipur-a naupang 4,000 aṭanga 5,000 velin AIDS natna an vei thu leh, heng naupangte hi a tlangpuiin fahrah an nih thu a sawi.

MNP+ president L Deepak chuan AIDS natna vei nau­­pangte hi an chhung leh khatte bul bakah NGO ṭhen­­khat enkawlna hnuaiah an awm thu a sawi a, state sorkar chuan heng mite enkawlna atan policy a duan a pawimawh thu a sawi.

Naupangte chuan chenna ṭha, chaw ṭha, zirna ṭha leh enkawlna ṭha an mamawh thu sawiin state sorkarin naupangte harsatna hi a ngaihven a pawimawh thu leh an hamṭhatna atan fund a dahsak a pawimawh thu a sawi bawk.

Hetihlai hian MSAC Joint Director L Abhiram chuan Manipur-ah naupang AIDS natna vei 2,093 an chhinchhiah thu a sawi thung.

Abhiram chuan heng naupangte hi endawn leh hmuhsit an ni ang tih a hlauhthawn thu a sawi a, tun hnaia state sorkarin State AIDS Policy, 2015 a pass takah naupangte AIDS veite hamṭhatna tur pawh ruahmanna siam a ni, a ti.