Skill development chungchangah Chief Minister meeting nei

Sub-Group of Chief Ministers on Skill Development meeting chu nimin khan Punjab Chief Minister Parkash Singh Badal kaihhruaina hnuaiah neih a ni.

Meeting-ah hian sub-group pakhat awm - Assam, Meghalaya, Chhattisgarh, Goa, Gujarat, Himachal Pradesh, Odisha, Puducherry, Tripura leh Tamil Nadu Chief Minister te an tel bakah National Institution for Transforming India (NITI) Aayog official te pawh an tel.

Meeting hi scientific leh method thar hmanga ṭhalaite skill tihchangtlunna tur leh human resource tihchangtlunna tur kawng zawnna atana neih a ni a, Chief Minister te chuan an state ṭheuha Skill Development Mission an kalpui dan an tarlang.