Nagaland: 16th Finance Commission team in tlawh

16h Finance Commission team, chairman Dr Arvind Panagriya kaihhruai chuan ni thum cham turin Thawhṭanni khan Nagaland an thleng. An cham chhung hian chief minister, minister leh senior officer-te chu Kohima-ah meeting an neihpui ang.

Finance Commission team-ah hian Ajay Narayan Jha, Annie George Mathew leh Manoj Panda te an awm bawk. Deputy chief minister Y Patton leh chief secretary J Alam ten Dimapur Airport-ah an lo hmuak a ni.

Nagaland sorkar chuan Centrally Sponsored Scheme kaltlanga sum an dawnte bakah, Commission hnenah hian kum nga chhunga sector hrang hrangte hnathawhna tura puihna turin grants-in-aid, Rs trillion 1 hu pek an nih theihna tur rawtna pawh a thlen rin a ni. Heng zingah hian revenue deficit grant, local government thuam chakna tur, educaiton leh health sector grant bakah, project hrang hrang thawhna tur te pawh an tel.

Finance Commission team hian Kohima huam chhunga hmun pawimawhte an tlawh dawn bawk a, an hnamzia leh hmasawnna tura mamawh angte an en ho dawn a ni. Central puihnaah a innghah nasat avangin, state hmasawnna tura Commission recommend-na hi Nagaland tan chuan a pawimawh dawn hle a ni.