Tripura: Finance commission-in tribal area tan Rs vbc 78 pe

Tripura finance minister Pranajit Singha Roy chuan November 6, 2024 khan 15th Finance Commission-in Tripura Tribal Area Autonomous District Council (TTAADC) tih hmasawnna atan Rs vbc 78 a pek thu leh, hei hi ṭangkai taka hman a nih tur thu a sawi.

Finance Minister Roy chuan he sum hi sorkar laipuiin 15th Finance Commission hnuaiah a pek thu a tarlang.

Roy chuan hmasawnna a awm theih nan thil phut tamtak an neih thu a sawi a, TTAADC pual bik tan pawh an phut thu a sawi. State sorkar chuan TTAADC tan state budget-a mi ni lo, Rs vbc 30 a lo dah tawh bawk tih sawiin, hei hi hmasawnna hna thawh hrang hrang puihna tur leh, hnathawhna kawnga harsatna leh bahlahna a awm tawh lohna tur atan a ni, a ti.

Minister chuan tuilian vangin an state-in harsatnate tawk mahse, state sorkarin sorkar hnathawk leh pension tawh te tan DA leh DR pek a tiam a, Tripura State Rifle leh Tripura Police te tan hamṭhatna an neih theihna tur thutlukna te pawh a siam tih a sawi.

TTAADC tih hmasawn leh tih changtlung hi hunrei tak aṭanga an lo tum tawh a nih thu Roy chuan a sawi. Sorkar laipui aṭanga puihna an dawn tak avangin hmasawnna pawn rahbi thar a kai ngei a rin thu sawiin, 15th Finance Commission sum pek hian district council chu nasa takin a pui dawn a ni, a ti.