Arunachal Pradesh: Infrastructure project atan Rs vbc 100 ruahman

Arunachal Pradesh sorkar leh DoNER ministry chuan state chhunga infrastructure tih hmasawnna turin Rs vbc 50 ve ve an ruahman.

Deputy chief minister Chowna Mein chuan Thawhlehni khan Riverfront Development Site tlawhin, hnathawh hrang hrang - guest house, pilgrim lodge leh Lohit district-a Parshuram Kund a structure awmsa te a enfiah.

Site inspection a neih bakah hian Dy CM hian meeting koin, Parshuram Kund Mela 2025 neih tur atana inbuatsaihnate a sawipui bawk. He meeting-ah hian MLA Tezu leh Advisor Dr. Mohesh Chai, ADC Wakro leh stakeholder te an tel a ni.

Mein chuan Parshuram Kund Mela hlawhtling taka buatsaih a pawimawh thu sawiin, sakhaw hmun thianghlim tlawha biakina kal hi mi nuai tel an ni dawn a, he Mela aṭang hian tawnhriat ṭha leh hriatreng tlak an neih theih a pawimawh tih a sawi.

District thuneitute leh Parshuram Kund Development Trust te chu Mela chhung hian zan khatah mi 2,000 chin tal awmna tur lo buatsaih thin tur leh, Mela inbuatsaihna atan Parshuram Kund Development Trust tan Rs nuai 50 a phut bawk.

Parshuram Kund Mela hi kumtin January thlaa neih ṭhin ani a, Lord Parshuram a malsawmna dawn duh leh kut thianghlim hmang chak mi tamtak an pungkhawm ṭhin a ni. Parshuram Kund hian tlawhtu a ngah tak zel avangin sorkar pawhin infrastructure leh facility-ah tih hmasawn leh tih changtlun a nih theihnan nasa taka hma a lak thu Mein chuan a sawi bawk a ni.