Assam cabinet-in Dec 15-a BTC inthlan buatsaih rawt

Assam chief minister Sarbananda Sonowal hoa cabinet meeting, Ningania neih chuan State Election Commission hnenah Decem­ber 15-a Bodoland Territorial Council inthlan buatsaih turin rawtna a thlen. 

 

Cabinet meeting chuan inthlan buatsaih a nih hma chuan Bodoland Territorial Region (BTR) chu Governor's Rule hnuaia dah chhunzawm a rawt bawk. April 4 kha BTR inthlan neih hun tur hi a ni a, mahse Covid-19 leng vangin tiam chin awm loin inthlan neih hun tur hi sawn a ni a, April 27 aṭang khan Governor's Rule hnuaiah dah zui a ni. 

State Election Commission chuan BTC inthlan hi Decem­ber thlaah neih tum a nih thu a lo puang tawh a, mahse a ni erawh a la tichiang lo.

 

Ningani a cabinet meeting-ah hian thil pawimawh dang eng emaw zat rel a ni bawk a, sorkar chuan bawng chaw leina pek chhuahna turin bawng vulhtute hnena sum pek a rel a, hei bakah hian bawng tawlhrute man a tumna lamah tuia tlahlum police constable Raben Das chhungte  hnenah zangnadawmna Rs nuai 10 pek an rel bawk. 

Hei bakah hian Majuli bridge siamna tura tana balu, steel leh hmanraw dang-ah state GST, royal leh local tax ngaihnathiam an rel bawk.