NE state 5-ah Governor thar ruat

President Pranab Mukherjee chuan Thawh­lehni khan hmar­chhak state pa­nga, Meghalaya, Aru­­nachal Pradesh, Mi­zo­ram, Tripura leh Ma­nipur-ah Governor a ruat thar.

Hmarchhak state panga bakah hian Jharkhand Governor thar ruat a ni bawk.

Jharkhand Governor atan hian Odisha Governor ni lai, Draupadi Murmu chu ruat thar a ni a, Jharkhand Governor ni lai, Syed Ahmed chu Manipur Governor atana ruat a ni.

Manipur Governor thar Syed Ahmed hian Uttarakhand leh Manipur Governor hna chelh kawptu, Krishan Kant Paul a thlak dawn a ni.

Arunachal Pradesh Governor Lt General Nirbhay Sharma (Retd) chu Mizoram Governor atana ruat thar a ni a, hetihlai hian Assam Chief Secretary hlui JP Rajkhowa chu Arunachal Pradesh Governor atan ruat thar a ni.

BJP West Bengal state unit hruaitu hlui, Tathagata Roy chu Tripura, Assam leh Nagaland Governor hna chelhkhawptu, Padmanabha Balakrishna Acharya thlak tura ruat a ni a, mahse Padmanabha Balakrishna Acharya hian Assam leh Nagaland Governor hna erawh a la chelh chhunzawm ang.

West Bengal, Meghalaya leh Mizoram Governor hna chelhkawptu, Keshari Nath Tripathi thlak turin Rashtriya Swayamsevak Sangh (RSS) hruaitu hlui, V Shanmuganthan ruat a ni. Tripathi hian West Bengal Gover­nor hna a la chelh chhunzawm ang.