Arunachal-in opium thar tam ber

Narcotics Control Bureau (NCB) report chuan Aru­nachal Pra­desh chu India rama opium thar­chhuak tam ber a ni tih a tarlang.

NCB chuan kum 2014-15 chhunga India rama opium siamna thlai chi khat, poppy huan an tihchhiat acre 2,530 aṭangin 40% vel, acre 1,067 chu Arunachal Pradesh-a awm a ni, a ti.

Kum 2013-14 khan NCB chuan Arunachal-a poppy huan acre 1,222-a zau chu an lo tihchhiatsak tawh bawk.

NCB Deputy Director General (Operations) Deb Jyoti Ray chuan poppy chinna huante hi hel silai kengte'n an ven ṭhin thu a sawi a, Arunachal Pradesh chu Asia khawmuala ruihhlo hluarna ram, ‘golden triangle’ tia an sawi, Myan­mar, Lao PDR leh Thai­land ram hnaiha awm anih avangin khaw­vel pum huapa ruihhlo tawlhruk ching, mafia te an inrawlh a hlauhthawn thu a sawi bawk.