Assam: Gauhati Medical College-a in entirte Adhaar Card keng turin ti

Gauhati Medical College leh Hospital chuan damlo inentir apiangte chu Aadhaar card keng turin an ngen a, Ayushman Bharat Health Account (ABHA) ID siamsak zel annih theih nghal dawn avangin a ṭangkai hle a , India sorkarin rampumpuia mitinten health care an neih theihnana a ruahman a ni.

He identification hi National Medical Commission ruahman ani a, ramchhunga public leh private healthcare facility mipui zawng zawngin an dawn theihnana hmalatu anni.

ABHA ID vawikhat lo ti tawh te chu physician ten awlsam takin damloin eng natna nge a vei tih leh enkawlna anlo dawn tawh te an hre nghal zung zung thei dawn a ni.

GMCH principal Dr. Achyut Baishya chuan ABHA ID registration neih chu khawi damdawiinah pawh a pawimawh thu a sawi a, NMC pawhin ABHA ID nei te chiah OPD a inziaklut zingah official a pawm tur anih thu a sawi bawk.

GMCH ah hian NMC nen thawkdunin an kaihhruaina hnuaiah ABHA ID chu damlote tana siam annih thu a sawi. OPD a damlo inziaklut chhinchhiah kawnga standard ṭha zawk a kalpui anih theihnan te, damlo Aadhaar card kenglo leh ABHA ID neilo ten chhinchhiah kawnga a tihkhawmuan ṭhin thu a sawi bawk a ni.

Hei bakah hian ABHA ID chuan damloten enkawlna ṭha zawk leh changtlung zawk an dawn theihnana a puitu anih bakah anlo inenkawl tawhna te awlsam takin a chhuichhuahsak leh thei dawn a ni. Damlo ABHA ID neite chu an medical record doctor te tan a hriat nghal zung zung theih dawn a, enkawlna an pek chhunzawm dan tur pawh a tih awlsam phah dawn a ni.

OPD a inziaklut an pung zel avangin Baishya chuan healthcare digital a kalpui pawh damloten an pawm zel a beisei a, hemi tur hian GMCH staff ten mipuite ah awareness an pek tur thu leh hamṭhatna hrang hrang awm thei inhrilhhriatna hun an nei dawn bawk.