Assam : India-Bhutan border-a ICP hmasa ber hawng

Assam-a Darranga hmunah India-Bhutan border-a Integrated Check Post (ICP) siam hmasa ber chu Ningani khan Assam governor Lakshman Prasad Acharya-a'n a hawng. Bhutan prime minister Dasho Tshering Tobgay pawhin he hun hi a hmanpui a ni.

ICP Darrang hi ram hectare 14.5 a huam a, India-Bhutan border aṭanga metre 700 vela hla a ni. He hmunah hian office complex, parking area, loading and unloading zone, weighbridge, warehouse leh official-te tan residential quarters a awm bawk.

Darranga hi ram pahnihte inkalpawhna atana hmun pawimawh tak niin, he hmun aṭang hian India lamah National Highway 27 Rangia bula mi chu a pawh a ni. Bhutan lamah custom infrastructure pawimawh, Samdrup-Jongkhar ami a pawh bawk.