Arunachal Pradesh: Police 52nd Raising Day hmang

Arunachal Pradesh Police (APP) chuan nimin, November 8, 2024 khan Itanagar-a Indira Gandhi Park-ah 52nd Raising Day an lawm a, chief minister Pema Khandu-a'n a hmanpui.

Chief Minister Khandu chuan state police-te huaisenna, inpekna leh mahni hma pawh sial loa ram tana an thawhna chu fakin lawmthu a hrilh a, state chhunga boruak ralmuang a awm theihna tura hna an thawh leh dan an kenkawh dante chu entawntlak a tih thu a tarlang.

CM hian police department motto "Satya, Seva, Suraksha" pawh sawilangin an policy langtlang, mawhphurna sang tak nei leh mi zawng zawng tana inhawng an nihna te chu a fak bawk a ni.

Police-te inpekna hlutzia te pawh a sawilang a, anmahni mai bakah an chhungte thleng pawha an inpekna hriatpuia hlutsak turin mitin a chah. Ram tana mi chhuanawm leh mipuite venghimtu an nihna chu chhawmnung zel tura a duh thu a sawi bawk.