CPI-M in larsap thar an vau
Tripura-a rorel lai, Communist Party of India -Marxist (CPI-M) chuan Governor thar Tathagata Roy-a'n India danpui phal chin baka thuneihna hman a tum a nih chuan nawrh lian tham tak huaihawt an tum thu an tarlang.
Party thuchhuak chuan Governor thar chu an lo lawm thu tarlangin, BJP kaihhruai NDA sorkar chuan anmahni mi leh sate state governor-ah a ruat thu a tarlang bawk.
CPI-M Tripura state secretary Bijan Dhar chuan Governor thar hian Tripura-a Left Front sorkar chu a thlawp ṭhat a beisei thu leh India danpui tlawhchhan zela a mawhphurhna a hlenchhuah a beisei a sawi.
President Pranab Mukherjee chuan May 12 khan kum 70 mi, Roy hi Tripura Governor thar atan a ruat a ni. Roy hi Tripura Governor 16-na niin, West Bengal-a BJP hruaitu hlui a ni.