Karbi-in buhfai quintal 3567.301 an dawng dawn

16th May, 2015

National Food Security Act (NFSA) hnuaiah Assam-a, Karbi Anglong autonomous council chuan June leh July chhungin Grade 'A' BPL buhfai quintal 3567.301 a dawng dawn a, hemi hun chhung vek hian Dima Hasao autonomous district pawhin quintal 891.8251 a dawng ang.

Buhfai te hi Special Family Identity Card neite hnenah sem a ni ang.

Karbi Anglong Autonomous Council-a Chief Executive Member, Tuliram Ronghang chuan card neitute'n buhfai chu an dawng ngei tih chu council-in a enfiah vek tur thu a sawi.