AP: Nungcha venhimnan NES unit ten silai tung

Arunachal Pradesh-a Nyishi Elite Society-a Keyi Panyor district unit chuan nungcha humhalh a, ramsa leh sava te kap tawh lo tura intiamin an silai an tung.

NES Keyi Panyor hian district thuneitute nen thawk hoin, nungcha leh ramngaw humhalhna kalpuina peng pakhat, 'Airgun Surrender bhiyan' hi an buatsaih a, he hunah hian airgun leh silai dang eng emaw zat an tung a ni.

Chief minister Pema Khandu chuan microblogging site X ah hemi chungchang hi rawn tarlangin, Keyi Panyor district unit a lawmpui thu leh environment humhalh duhna rilru an pu chu a fak thu a sawi. Nyishi Elite Society-a Keyi Panyor district unit member leh 'Airgun Surrender Abhiyan' a tel zawng zawngte lawmpuina hlanin, nungchate leh leilung venhim an duhna chuan a ti lawm hle tih a sawi.

Hun lo kal zel tur atana tun hun aṭanga ke pen pawimawh zia te, state mawi leh hring nuam tak nei thei turin an ṭan tlan a ngaih thute a sawi bawk.