NE plan enpui dawn

Development of North Eastern Region (DoNER) minister Jitendra Singh chuan hmarchhak biala hmasawnna project kal­pui mek leh plan te chu hmarchhak state tinah Union Minister te'n thla khat chhungin vawi hnih an enpui tur thu a sawi.

Lok Sabha Speaker hlui P.A. Sangma hoin, hmarchhak bial MP te leh political party paruk aiawhte chuan Thawhlehni khan Prime Minister Narendra Modi an hmu a, hmarchhak bial tana an thil phutte thlenin, memorandum an thehlut. Meeting-ah hian DoNER minister Singh pawh a tel a, NDA sorkarin hmarchhak bial hmasawnna atana hmalak a tum dan leh ruahmanna a siamte a tarlang.

Singh chuan hmar­chhak bial chu Prime Mi­nister Modi-a India Vi­sion-ah a tel thu sawiin, NDA sorkarin hmar­chhak bial a ngaih pawi­mawh thu a sawi bawk.

Hmarchhak MP zingah hian P.A. Sangma (National People`s Par­ty-Meghalaya) bakah Union Minister of State for Home Kiren Riji­ju (BJP-Arunachal Pra­desh), Neiphiu Rio (Naga People`s Front-Naga­land), Prem Das Rai (Sik­kim Democratic Front -Sikkim), Hishey Lachungpa (Sikkim Demo­cratic Front-Sik­kim), Kamakhya Prasad Tasa (BJP-Assam), Shan­kar Prasad Dutta (CPI-M-Tripura) leh C. L. Ruala (Congress-Mizo­ram) te an tel.